Yenə o bağ olaydı, yenə yığışaraq siz O bağa köçəydiz. Biz də muradımızca fələkdən kam alaydıq, Sizə qonşu olaydıq. Yenə o bağ olaydı, Səni tez-tez görəydim, Qələmə söz verəydim, Hər gün bir yeni nəğmə, hər gün bir yeni ilham Yazaydım səhər-axşam.
Arzuya bax sevgilim, tellərindən incə mi Söylə ürəyincə mi. Yenə o bağ olaydı.
Yenə o bağ olaydı, yenə sizə gələydik, Danışaydıq, güləydik. Ürkək baxışlarınla ruhumu dindirəydin, Məni sevindirəydin. Yenə o bağ olaydı, Yenə o qum, o sahil, sular ötəydi dil-dil, Saçın kimi qıvrılan dalğalara dalaydım, Dalıb ilham alaydım.
Arzuya bax sevgilim, tellərindən incə mi Söylə ürəyincə mi. Yenə o bağ olaydı.
Yenə o bağ olaydı, sevdalar ölkəsində O söyüd kölgəsində, İnci qumlar üstündə yenə verib baş-başa Yayı vuraydıq başa.
Arzuya bax sevgilim, tellərindən incə mi Söylə ürəyincə mi.
Hər gün bir yeni nəğmə, hər gün bir yeni ilham Yazaydım səhər-axşam, yazaydım səhər-axşam.